过气绯闻男女戴蕴慧与吴国敬，连日来不断对骂，戴更踢爆吴借二万元未还。至前晚出席妹妹戴辛尉的生日派对时，她一再强调自己非常清醒，并反叫吴不要食XX！吴昨午则表示对方已为此道歉，他庆幸与戴分手多年，实属三生有幸！
戴蕴慧前晚出席妹妹戴辛尉的生日派对，对于吴国敬公开叫她清醒，她非常介怀地说：「佢叫我清醒0的，不如佢食少0的XX！我唔系想同佢闹交，不过今次如果再唔出声，我觉得自己好白痴！每次出事，佢都插好多刀落我身上，佢咁样讲我，搞到我俾人以为Short Short0的！佢可以批评我点唔好，但就唔好骚扰我屋企人、前夫同小朋友，因为佢0地对我好紧要。」
分手感三生有幸
对于被指食XX，阿敬非常激动：「佢已经搵0左中间人同我讲，佢话自己饮醉酒，讲错0的0野，佢依家都好后悔。如果佢真系影响到我，我会采取行动。呢0的人真系累人累物！我系正常人，唔会同有问题0既人纠缠落去，当年同佢分手，真系三生有幸！」他还反驳戴蕴慧「扶贫」的言论，阿敬说：「我系穷，但系穷得有骨气！你估有钱大晒咩！0的有钱人咁巴闭，咪又系0罗钱出0黎包仔！其实我都做好多善事，都有扶贫，如果佢想畀钱我，我都会将0的钱捐去做善事。呢个朋友真系算数啦！我食得0训得，唔使靠药物0训觉！」
不想骂战继续
至昨日黄昏，戴蕴慧离开家门，并推翻食XX的言论：「寻晚系妹妹生日，饮0左少少酒，High High0左，我真系咁话佢呀？我系冇心0既，总之就唔想再继续骂战，吴国敬都有搵过葳葳（戴辛尉），我精神OK，依家去做运动。」
另外，前晚与阿敬一同出席演艺人协会筹款晚宴的梁汉文，昨日透露阿敬心情无恙，还说︰「佢个样似紧张演出多0的。（佢前晚好似饮0左好多酒？）唔知，因为我走先过佢。（佢同戴蕴慧有冇拍过拖？）前辈0既事，呢0的Puppy Love我唔知喎！（阿敬冇带女朋友畀你0地见咩？）我只系知后期，见过大家都知0架！」