万梓良（万子）与陈法蓉（Monica）继十二年前合作电视剧《巨人》后，前晚于王晶新剧重续戏缘，二人久别重逢，不过Monica竟请对方食柠檬，当街婉拒对方爱意。不过以上只是新剧情节，剧情讲述饰演富豪的万子，对女明星Monica爱护有加，可惜伊人心系「伟仔」孙耀威，最后只有婉拒对方好意，惟有送上goodbye拥抱以表谢意。
二人虽久未合作，不过未见生疏，除继续以兄妹相称，万子对Monica更有赞冇弹：「我哋成十二年冇合作，阿妹（Monica）仲系咁靓，啲戏进步咗好多！」氹得Monica笑到见牙唔见眼：「其实我同阿哥（万子）再合作都有啲惊，怕自己啲戏冇进步，好彩过到关0者！」Monica表示当年全靠万子点名力荐，才有机会拍摄《巨》剧，难怪视对方是恩人。
否认模仿嘉玲
另外，一直有传Monica的角色影射刘嘉玲，前晚剧情讲述她婉拒富豪，令人产生不少联想。对此Monica即解画说：「大家唔好咁敏感，我从来冇讲过扮嘉玲。剧中我有四段感情，除咗富豪、公子仲有朋友追我，不过我都系情牵伟仔（孙耀威），要爱情唔要面包！」